Kostaldea Getaria   Orio   Zarautz   Aia   Zumaia
cas 
eus 
eng 
fra 
Kostaldeakostaldea.eu

Erlazionatutako estekak

Zarautz Zumaia Getaria Zarautz Orio aia

Zarautz

Hondartza luze-luzeagatik zein zerbitzu- eta ostalaritza-eskaintza zabalagatik, udaldia igarotzeko toki aparta da Zarautz. Baita beste edozein urtarotarako ere...

Erdi Aroan bale-harrapatzaile trebeak eman zituen itsas giroko herriaren kutsuari eusten dio Zarautzen. Herriko armarrian bertan azaltzen da balea, gaztelu bat eta lehoi bat lagun dituela. XIX. mendean aristokraziaren jomuga bilakatu zuen xarma turistikoa ere nabarmena da herrian. Isabel II. erregina bera izan zen, hain zuzen, udatiar haietako bat.

Gaur egun, Donostia-San Sebastianekin batera, Gipuzkoako herri turistikorena da Zarautz. Hala eta guztiz ere, Lurralde osoan gertatzen den bezala, ez dago esaterik turismoa erabat masifikatu denik. Noizbehinkako nahiz ohiko bisitari askok egiten dute bat zarauztarrekin eskaintza gastronomiko zabala eta, batez ere, hondartza ederra dituen hiri atseginaz gozatzeko.

2.500 metro luze da Zarauzko hondartza, Gipuzkoako luzeena. Olatu bizi-bizien ondorioz, nazioarteko surf txapelketa ugari egin ohi dira bertan. Itsas pasealeku luze eta animatua du alboan. Mundu guztiak korritzen du pasealekua, mundu guztiak egiten du bertan ezagunen batekin topo. Pasealekuan terraza ugari daude indarrak berritzeko, eta abangoardiako eskultura asko, begiei atsegin emateko.

Barrualdean, hirigune historikoan jauregi eta jauretxe franko ikus daitezke: Torre Luzea, Portu etxea (udaletxea), Dotorekua etxea, Narros jauregia... Kultur eskaintza oparoa du, halaber, Zarautzek.

  • ZARAUTZ_MG_6263
  • ZARAUTZ_MG_7382
  • ZARAUTZ---Toldos-playa-de-Zarautz
  • ZARAUTZ---OMAR_ULACIA-12---Escultura-Paseo-maritimo
  • ZARAUTZ - Puerto

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.