Mercado Zarautz
Kostaldea Getaria   Orio   Zarautz   Aia   Zumaia
cas 
eus 
eng 
fra 
Kostaldeakostaldea.eu

Zarauzko merkatua

Zarautz herri lasaia eta dotorea da. Isabel II erregina bera ere erakarri zuen, udako egonaldietarako Zarautz aukeratu baitzuen. Herri erosoa eta bizia, jende askok bertan du bere bigarren etxea. Surflari askorentzat ere erakarmen handiko herria da. Baina, hondartza eta udaz gain, Zarautzek baratza jarduera ugari eta aberatsa du, garaian garaiko produktu bikainekin. Aberastasun hori azokan ikus dezakezu. Egunero egiten den azoka hori da gure eskualdearen gastronomia enbaxadorerik onenetakoa: inguruko baserritar eta abeltzainen artisau erako lan nekaezin eta landuaren erakusleiho aparta.

Orografiak eta industria astunik ez izateak hainbat baserri gaur arte iristea eta goi mailako produktuak ekoiztea ahalbidetu du, aire librean nahiz negutegien bidez: tomatea, baina, piperra, ziazerbak, letxua, tipula, patata, baratzuria, porrua, azenarioa, azalorea, kalabaza, aza, baba, ilarra, espinakak…

1903an eraiki zuten Zarauzko azoka, Ramon Cortazarren diseinuarekin. Azokaren erdialdean ikus dezakezu baserritarren baratzetako emaitza koloretsua: barazkiak, loreak eta landareak. Postu finko itxietan, berriz, urdaitegiak, gazta saltzaileak, harategiak, arrandegiak, fruta saltzaileak eta lore saltzaileak.

Azoka Zarauzko herriaren erdi-erdian dago, garai bateko etxadi baten erdian eta eraikin ondare gisa katalogatuta dago. Azoka altxor kutxa handi bat da, gure etxekoandreek euskal sukaldaritzaren oinarriak lantzeko behar izan dituzten goi mailako lehengaien altxor-kutxa.

Jakingarriak

Bi urtez egokitzapen lanak egin ondoren, 2009an ireki zituen ateak azokak, gaurko itxurarekin. Garai batean baserritarrek beren soberakinak ekartzen zituzten azokara, baina gaur egun saltzeko ekoizten dituzte beren produktuak.

Esperientziak

1.- Zarauzko merkatua

Garai batean baserritarrek beren soberakinak ekartzen zituzten azokara, baina gaur egun saltzeko ekoizten dituzte beren produktuak. Zatoz gure azoka ezagutzera!

Merkatuaren ordutegia:
astelehenetik ostiralera 08:15 - 13:15 eta 17:00 - 20:15. Larunbatetan: 08:00 - 13:30.
Helbidea: Kale Nagusia 27 (Zigordia kaletik ere bi sarrera ditu)
 

2.- Lagun artean - ibilbide gastronomikoa

Animatuko al zinateke gurekin pintxoak jatera? Hiru tabernatan pintxoak dastatuko ditugu eta elkarte gastronomiko bat bisitatuko dugu.

Kalean zehar goazela herriko kontuak, ohiturak eta bitxikeriak azalduko zaizkie partaideei. Bisitaria herritartzea izango da helburua, kuadrilla gisa herrian zehar mugitzea.Zarautz modu berezian eta kuadrilla giroan ezagutzeko aukera paregabea.

Datak:
- Uztailak 7 (20:00 - 21:30)
- Uztailak 21 (20:00 - 21:30)
- Abuztuak 4 (20:00 - 21:30)
- Abuztuak 17 (20:00 - 21:30)
- Irailak 29 (19:00 - 20:30)
- Urriak 13 (19:00 - 20:30)
- Abenduak 8 (19:00 - 20:30)

Oharrak: plaza mugatuak / izen ematea beharrezkoa da.

Informazio gehiago eta erreserbak: hemen

 

3.- #Txotx experientzia: Arizia sagardotegian bisita gidatua. Sagarditik paseo bat emanaz sagarrondotan egiten den lana ezagutuko dugu; landatutako sagar motak eta uzta noiz jaso behar den erabakitzeko erramintak. Ondoren sagarraren bilakaera ezagutuko dugu sagardo bihurtu bitartean. Bisitaren amaieran dastaketa txiki bat egingo dugu, sagardoa kupeletik eta bertako produktuak. 

Datak: larunbata eta igandetan, goizeko 11:00etan.
Bisitaren prezioa: 10€
Informazio gehiago eta erreserbak: hemen

 

  • Merkatua-1
  • Merkatua-2
  • Merkatua-3

 

Erabalitzaileen nabigazioaren analisia egiteko gure cookie-ak eta bitartekoenak erabiltzen ditugu. Nabigatzen jarraitzen baduzu, hauen erabilpena onartzen duzula hausnartzen dugu.
Hemen konfigurazioa aldatu edo informazio gehiago lortu dezakezu.